Anëtaret e Shoqatës së Grave të Shërbimit Korrektues të Kosovës janë duke marrë pjesë në Forumin Ndërkombëtar për Gratë, Paqen dhe Sigurinë, një iniciativë e rëndësishme e Presidentes së Republikës së Kosovës, Vjosa Osmani.Ky forum ndërkombëtar është një platformë unike që mbledh së bashku udhëheqës shtetërorë – përfshirë presidentë, kryeministra dhe drejtues parlamentesh – personalitete të njohura intelektuale e kulturore, përfaqësues të shoqërisë civile, organizatave të grave dhe mediave nga vende të ndryshme të botës. Qëllimi kryesor i këtij forumi është promovimi i paqes së qëndrueshme, sigurisë gjithëpërfshirëse dhe fuqizimit të grave në procese vendimmarrëse.Pjesëmarrja e përfaqësueseve të Shërbimit Korrektues të Kosovës në këtë forum përbën një hap të rëndësishëm drejt përforcimit të rolit të grave në sektorin e sigurisë dhe drejtësisë, duke kontribuar në krijimin e një shoqërie më të barabartë, më të drejtë dhe më të sigurt për të gjithë qytetarët.Kjo përfshirje aktive në diskutimet ndërkombëtare mbi çështje të rëndësishme si paqja, siguria dhe barazia gjinore është dëshmi e përkushtimit të institucioneve tona për të ndërtuar politika gjithëpërfshirëse që fuqizojnë rolin e gruas në të gjitha sferat e jetës.