Përfaqësuese të Shoqatës së Gruas në Shërbimin Korrektues të Kosovës u pritën sot në takim nga Ushtruesi i detyrës së Ministrit të Drejtësisë, z. Blerim Sallahu, me rastin e zgjedhjes së znj. Valdete Çollaku Ilazi si Kryetare e re e Shoqatës.
Ministri Sallahu e uroi znj. Çollaku Ilazi për mandatin e saj, duke shprehur mbështetjen e Ministrisë së Drejtësisë për nismat që forcojnë rolin e grave në Shërbimin Korrektues dhe avancojnë barazinë gjinore, profesionalizmin dhe integritetin institucional.
Në takim u theksua rëndësia e vazhdimit të punës së Shoqatës në fuqizimin e grave të Shërbimit Korrektues, rritjen e pjesëmarrjes së tyre në vendimmarrje, zhvillimin profesional dhe promovimin e një mjedisi të barabartë e gjithëpërfshirës. U vlerësua gjithashtu kontributi i Shoqatës në përfaqësimin ndërkombëtar dhe në nxitjen e bashkëpunimit me partnerë institucionalë.
Shoqata e Gruas në Shërbimin Korrektues të Kosovës falënderon Ministrinë e Drejtësisë për mbështetjen e vazhdueshme dhe i uron znj. Valdete Çollaku Ilazi suksese në drejtimin e Shoqatës dhe realizimin e objektivave të saj.
